الأحد، نوفمبر 23، 2014

وليـه؟

وليه تشيل هَمّ الحاجات اللي ما جَات؟

وليه تخاف "رَخَّاية" جامدة في عِز "طُوبة"
وانت لسة "بَؤنه" واصلك من ساعات؟


وليه "يـِهِمَّك" سَوَاد دُجَاك
وانت صُبْحَك تـَوُّه قَايم م السُبـَات؟


عِيش وسيبْهـَا على القـَدير
واحِكِم عِقـَالها وأسْبـَاب الحَاجات


تكْتِشف إن اللي خُفـْتـُه طـُول سنين
عـَدَا أوَانه من بَدْري وفـَات.

..

هناك 3 تعليقات:

  1. جميلة جدًا، بس أنا عاوزه أعرف معني كلمة ((بَؤنه))؟



    ردحذف
    الردود
    1. الأول، المدونة نورتك بوجودك يا نيللي :)
      أما بؤنه، أو بؤونه، فهو الشهر العاشر من شهور التقويم القبطي، واللي هي:
      توت · بابة · هاتور · كيهك · طوبة · أمشير · برمهات · برمودة · بشنس · بؤونة · أبيب · مسرى · نسيئ. وبؤنه بيكون الحر فيه شديد جداً، وعشان كدة من الأمثال الدارجة يقولك بؤنه الحجر. وعلى العكس منه شهر "طوبة" اللي بيكون عز البرد. وده هو التناقض اللي قصدته، انت لسه في عز الصيف فليه شايل هم حاجة ممكن تحصل في عز الشتا!
      ..
      أسعدني تواجدك، وأسعدني اعجابك :)

      حذف
  2. مساء التفائل يااحمد

    كلمات بسيطة معبرة برقة مشاعر والله احسنت الكلام

    مودتى

    ردحذف

فضفض و قول اللي في ضميرك
مشتاق صديقك لأي قول