السبت، يوليو 21، 2012

نظرية براد الشاي

ربما قد سمع الكثيرون منا عن نظرية براد الشاي،تذكرت هذه النظرية و نحن في أول أيام رمضان لأسباب ستتضح من خلال السياق..
تتلخص نظرية براد الشاي في أنك عندما تضع براد الشاي على النار و تقف تراقبه في انتظار غليانه تشعر و كأنه قد مرت ساعات و يأبى البراد أن يغلي و تظن أنه قد لا يغلي و لو مرت سنة،و لكن إن وضعته على النار و غادرت المطبخ و انشغلت لثوان في أمر ما تعود و قد وجدت أن براد الشاي قد أصابه الإعياء من كثرة الغليان !!
هكذا هو الحال في أشياء كثيرة في حياتنا اليومية،إن راقبناها في إنتظار حدوثها أو تمامها قتلنا الإنتظار و مرت علينا اللحظات كأعوام و إن غفلنا - أو تغافلنا - عنها للحظات إذا بها تحدث أو تتم و كأن هذا لم يأخذ من الوقت إلا بمقدار ما تأخذه رمشة العين !
و لأننا جميعنا قد دخلنا رمضان و لدينا علم مسبق أن أيامه هي من أطول الأيام منذ سنوات طوال، فترى البعض بدلا من أن ينشغل بعمله أو بعبادته ينشغل بمراقبة حركة الشمس و عقارب الساعات كمن يراقب البراد الذي لن يغلي، ولو انصب اهتمامنا و تركيزنا في شئ يشغلنا لمر الوقت- و قد استفدنا به - دون أن ندري و لتفاجأنا بصوت مدفع الإفطار !!
إجعل من فترة إنتظارك عمل يفيدك و يُفاديك قسوة و مرارة الإنتظار، قد نحتاج للصبر و لكن ربما يكون الصبر ليس بتحملنا قسوة الأشياء و عذابها وفقط بقدر ما يكون أيضا هو تحويل تفكيرنا إلى الإهتمام بشئ أخر يعطينا الأمل و التفاؤل بأن النهاية ستكون سعيدة و مرضية، ليس علينا أن نراقب عذابنا أو معانتنا بأعيننا ونحصي ثوانيها و لحظاتها حتى نشعر و كأنها أبدية لن تنتهي، فالإنشغال عنها سيجعلنا نصل لخلاصنا أسرع مما نتخيل، و ليس عليك أن تراقب بهم و غم ما فاتك أو ما فقدته فلن يستدير و يعود إليك،و لكن إن بدأت أو بحثت عن غيره ربما تصل قبله.
..
كان عندي الكثير بشأن هذه النظرية و لكن الأفكار قد إستعصت علي، ربما هذا من أجل أن نفعل دورنا في المشاركة بأن يضيف كلا منا ما عنده أو ما خطر له من أفكار.
...

هناك 9 تعليقات:

  1. عجبتنى النظرية دى جدا
    وفعلا لما بنكون مركزين اوى فى اى حاجة
    بنلاقى ان الوقت مش بيرضى يعدى انما لو مش مركزين
    ومستمتعين هنلاقى ان الوقت عدى بسرعه
    فى رمضان بيكون فى حاجات كتير اوى نعملها
    ممكن نزود فى الذكر بعد كل صلاة و صلاة النوافل
    وقراءة القرآن وتفسير بعض آياته كل يوم
    بحيث نستغل طول الوقت بالانشغال بالله
    نظرية قوية التأثير اذا تم تطبيقها بالفعل
    كل عام وانت بخير ورمضان كريم

    ردحذف
  2. مظبوط الكلام .. عموما الانتظار بيخلي الوقت ممل وبطيء وكئيب


    بالتوفيق دايما

    ردحذف
  3. فعلا الانتظار ممل أوى وساعات كمان بيعمل مشاكل
    كنت قرأت قبل كده ان الانسان ممكن يستغل فترات الانتظار المملة الكتيرة فى حياتنا فى حاجات تفيده
    زى مثلا اشارات المرور.. مهما اتعصبنامش هيغير حاجة
    زى برده الوقت بين المحاضرات أو وقت الراحة فى الشغل .. ساعات عشان نضيع الوقت نقعد نقضيه فى كلام مالوش لازمة أو نجيب فى سيرة الناس
    الزوج اللى بيتستنى زوجته عقبال ما تلبس وطبعا لأن السيدات دايما بياخده وقت فى اللبس وهو بقى يتجنن ويتنرفز

    كل فترات الانتظار دية كان ممكن استغليناها فى أى حاجة مفيدة ووقتها هنلاقى الوقت عدى بسرعة من غير مانعمل مشاكل أو نتعصب أو نلاقى الوقت ضاع من غير منكون استفدنا بيه

    جميلة أوى النظرية دية ياريت نعرف نطبقها

    ردحذف
  4. حلو أوى الموضوع و الفكرة فعلا

    الانتظار فى حد ذاته مشكلة و معاناى كبيرة و الا ماكان المثل الشعبي الجميل هههههه وقوع البلا و لا انتظاره دا دليل على ان الانتظار نفسه أشد من البلاء ..الانتظار بيحمل قلق و خوف حتى لو حاجة كويسة اللى هتحصل لكنه بيعطى فرصة لتخيل الأسوأ

    أما بالنسبة لرمضان بقى و احنا طبعا منتظرين حاجة حلوة اللى هي الفطار فأحسن حاجة فعلا نستغل الوقت فيما يناسب هذا الشهر الكريم لتعظم الفائدة و الأجر


    تحياتي لك أخى

    كل عام و انت بخير

    ردحذف
  5. كل سنه وانت طيب يا احمد ومش عارف دايم اول يوم يومين الواحد بيكون مستني المدفع بعد كده الواحد بياخد على النظام
    كل عام وانت والاسره الكريمه بخير

    ردحذف
  6. فكرة مهمة جدا .. رمضان هذه السنة سيكون الأطول في حياتنا ربما
    لكنه سيكون ايضا الأعظم أجرا

    النقطة الثانية : إذا شغلنا وقتنا بين صلاة و قراءة قران و ذكر و أعمال إما في المنزل أو خارجه في العمل الرسمي أو أو أو ستجد الساعات تمر كالبرق

    النقطة الثالثة : أسوء فكرة هي مرور الوقت بالمسلسلات لأنها تجعلك تعد الساعات أولا و تشغلك عن منافع هذا الشهر الكريم

    رمضان كريم :))

    ردحذف
  7. أخى الكريم : أحمد صالح
    بارك الله فيك وأعزك
    وأشكرلك تهنئتك الطيبة العطرة
    وكل عام وأنت بخير وفى تمام الصحة والعافية

    أخى أحييك على طرحك القيم لنظرية براد الشاى
    فعلاً نظرية تحتاج إلى تأمل وتمعن فى معانيها أحسنت
    وتقبل خالص تقديرى واحترامى
    تقبل الله منا ومنكم

    ردحذف
  8. مساء الغاردينيا احمد
    دائماً ماننتظره يطول حدوثه ومانغيب عنه يأتي
    وفي رمضان أشعر أن كل لحظة تستحق مراقبتها ليس لأنتهائها
    بل للذتها هو شهر في السنة يعادل عام من الفرح جميعنا ننتظره
    كل عام وماأن يأتي حتى نتسابق لإحتضانه بروعته وروحانيته
    فماأجمل أن نكمل ذلك الإحساس بـ الإهتمام والتركيز أكثر "
    ؛؛
    ؛
    كل عام وأنت بخير
    دائماً هنا فلسفة خاصة رائعة
    لروحك عبق الغاردينيا
    كانت هنا
    reemaas

    ردحذف
  9. حلوة فكرتك اووووووووووووووى وفعلا تركيزنا فى الحاجة بتخلى الوقت يمر ببطىء شديد جدااا
    بس لو نسينا أو تناسينا الوقت هيمر بسرعه
    عامة انا شخصيا مش بحس بنهار رمضان نهائى وده لانى بشغل وقتى جامد جدااا

    دايما أسلوبك جميل
    رمضان كريم وربنا يتقبل منا صالح الأعمال:)))

    ردحذف

فضفض و قول اللي في ضميرك
مشتاق صديقك لأي قول