الثلاثاء، يونيو 19، 2012

مراية الشموسة


.....
الشمـس بنـت خجـولــة
طلـت علـى الدنيــا
لابسـة تيـاب مـن نــور
بالحُمــرة متحنيــة
فاتحــة شفايفهــا
عن إبتسامـة شقيــة
تنشــر علـى الدنيــا
روحهـا الطليقــة الهايمــة
فاتحــة دراعتهـــا
لكل مـن لـه شـــوق
يوصـل حبيبـه بنورهــا
يبعــت معاهـا ســـلام
نظــرة غــرام وهيـــام
تــدق بــاب القلـــــب
تنــده علـى المحبــوب
إلحــق تشوفنــي هنــــاك
.....فـي مرايــة الشموســـة
=================

بنـا تـــلال وجبــــال
بنـا بــلاد وكهــــوف
مزروعـة هــم وخــــوف
يمكــن بحــور رمــــال
مليانــة خجــل وكســـوف
تــوأد هوانــا فـي قســـوة
مخنــــوق بـدون تنفيـــس
...يارتنـي مُـت بسرعـــة
زي يمامـــة طايـــــرة
سقطــت بطلـق خسيـــس
زي محــارب مـــــات
جالــه الأجـل مـن فـــوق
طــــارت رقبتــه بسيــــف...
=================

يمكــن عيونــي ماتــــت
مـن كتــــرة التدميـــع
يمكـن جفونــي همـــدت
نايمــة علـى عيونــــي
زي قتيـــل صريــــع
فاكــرة كــدة بتمحـــي
أوجــاعـي وشجــونـي
لكـــن مـا تمحيهـــا
يمكــن صحيـــح تداريهـــا
..لحظــــــــة...
لكــن مـن تانـــي
طايــــرة تلاقيهـــــا
فاردة جناحتهــــــا
هايمــة فـي سمـا روحــــي
...بصــي هنـــــاك تشوفيهــا
..بصــي هنـــــاك
..فـي مرايــــة الشموســــة
=================

يمكـن مـا بنـا بـــــلاد
يمكـن مـا بنـا بحـــور
لكــن ما بنـا رســـول
يوصـل سـوا القلبيـــن
يعكــس لنــا الوشيـــن
يمحــي شعــور البعــــد
ويقـرب المسافــــــات
...يـزرع أمـــل فـي القلــــب
يصــرخ بأعلـــى الصـــوت
بصــي هنــــاك تشوفينـــي
بصـي هنــــاك وأنـا أشوفــــك
فاتـــح دراعـي وروحـــــي
مُعلـن حنينـــي وشوقـــــي
مستنـي لحظــة تجينــــي
...بصــي هنــــاك تشوفينــي
بصــي هنــــاك وأنـا أشوفـــك
..بصــي هنـــــــاك..
..فـي مرايــة الشموســـة.
================

هناك 4 تعليقات:

  1. جميلة جدا

    كلمات روعة باحساس أروع

    تسلم ايدك و ابداعك

    دمت بكل الخير ..تحيتي

    ردحذف
  2. رائع جدا جدا مبدع كلمات كلها احساس تسلم ايدك

    ردحذف
  3. أشكرك أستاذة Ema على كلماتك اللطيفة و تشجيعك،أسعدني مرورك وتعليقك وهو ما سيسعدني دوما أكيد..كل الشكر و التحية و الاحترام

    ردحذف
  4. شكرا جزيلا أستاذ شريف على كلماتك الجميلة،أسعدني تعليقك و مرورك و دما سيسعدني..كل التحية و الشكر و الاحترام

    ردحذف

فضفض و قول اللي في ضميرك
مشتاق صديقك لأي قول